दर्शनं देवदेवस्य, दर्शनं पापनाशनम्|
दर्शनं स्वर्गसोपानं, दर्शनं मोक्षसाधनम्|1|

दर्शनेन जिनेन्द्राणां, साधूनां वंदनेन च|
न चिरं तिष्ठते पापं, छिद्रहस्ते यथोदकम्|2| 

वीतरागमुखं द्रष्ट्वा, पद्मरागसमप्रभं|
जन्म-जन्मकृतं पापं दर्शनेन विनश्यति|3|

दर्शनं जिनसूर्यस्य, संसार-ध्वान्त-नाशनं|
बोधनं चित्त-पद्मस्य, समस्तार्थ-प्रकाशनम्|4|

दर्शनं जिनचंद्रस्य, सद्धर्मामृत-वर्षणम्|
जन्म-दाह-विनाशाय, वर्द्धनं सुख-वारिधेः|5|

जीवादि तत्त्व प्रतिपादकाय, सम्यक्त्व-मुख्याष्ट-गुणार्णवाय|
प्रशांत-रुपाय दिगम्बराय, देवाधिदेवाय नमो जिनाय |6|

चिदानन्दैक-रुपाय, जिनाय परमात्मने|
परमात्म-प्रकाशाय, नित्यं सिद्धात्मने नमः|7|

अन्यथा शरणं नास्ति, त्वमेव शरणं मम|
तस्मात्कारुण्य-भावेन, रक्ष रक्ष जिनेश्वर|8|

न हि त्राता न हि त्राता, न हि त्राता जगत्त्रये|
वीतरागात्परो देवो, न भूतो न भविष्यति |9|

जिनेर्भक्तिः जिनेर्भक्तिः जिनेर्भक्तिः दिने दिने|
सदा मेऽस्तु, सदा मेऽस्तु, सदा मेऽस्तु भवे भवे|10|

जिनधर्म - विनिर्मुक्तो, मा भवेच्चक्रवर्त्यपि|
स्याच्चेटोऽपि दरिद्रोऽपि जिनधर्मानुवासितः|11|

जन्म-जन्मकृतं पापं, जन्म-कोटिमुपार्जितम्|
जन्म-म्रत्यु-जरा-रोगं, हन्यते जिन-दर्शनात्|12|

अद्याभवत्सफलता नयनद्वयस्य,
देव ! त्वदीय चरणाम्बुज वीक्षणेन|
अद्य त्रिलोक-तिलकं ! प्रतिभासते मे,
संसार-वारिधिरयं चुलुक-प्रमाणम्|13| 
                       END  देवदर्शन स्तोत्रम्   

Site copyright ã 2004, Digambarjainonline.com All Rights Reserved.                                  

Best viewed at 800 x 600 screen size